لن تطفئوا نور الشمس

النطام المصري الفاشل ،الفاسد ،العميل حجب الفيس بوك ،ورجعنا تاني نكتب في المدونات ،وماله برضو مش هيقدروا يطفوا نور الشمس .
الشعب المصري خلاص فاق وصحي ،ومصر رجعت لها عافيتها،اليومين اللي فاتوا كانوا من أعظم أيام مصر،وبكرة جمعة الغضب انزلوا كلكم ،مصر كلها لازم تبقى بكرة في الشارع ،عشان ندي النظام الفاجر درس ما ينسهوش ابدا ،وعشان يبطلوا يقولوا مصر مش تونس
احتقرونا واستهانوا بينا واستخفوا بينا ،لازم ننزل بكرة عشان نقوللهم كفاية النظام ده لازم يرحل مبارك لازم يغور ويحل عنا ،ومصر لازم تشم هوا نضيف ،ولادنا لازم ياكلوا ويشربوا يتعلموا كويس ويحسوا بالحرية في بلدهم