احترس الاهرام يرررررررررررجع الى الخلف

محمد عبد النبي أديب شاب تعرض لظلم شديد وتم الاعتداء على عمل أدبي له وتشويهة من قبل جريدة الاهرام الشعواء وليس الغراء حد يصدق أن الاهرام تعمل كده دي النوت اللي محمد كتبها بنفسة عن الموضوع

قصة فى ملحق أهرام الجمعة ويا فرحة ما تمت بسبب مقص الرقابة

محمد عبد النبي
منذ شهور طلب منى الأستاذ الشاعر إبراهيم داود،

الذى نكن له كل الحب والاحترام والتقدير، قصة للنشر فى ملحق أهرام الجمعة، يومين وأرسلت له قصة من مجموعتى الأخيرة، وهى التى تحمل المجموعة عنوانها، قلت تبقى دعاية للكتاب نفسه، قصة شبح أنطون تشيخوف، ونسيت الموضوع تماما، حتى نشرت القصة الجمعة اللى فاتت، وكنت فرحان لما اتصل بيه صديق وكاتب متميز يخبرنى بنشر القصة، ضاعت الفرحة كلها وحل محلها شعور بالضيق والاشمئزاز والسخط عندما وجدت القصة متظبطة بحيث تليق بالمستوى الأخلاقى الرفيع لصانعى الأهرام وقارئى الأهرام، القصة ليست جنسية وأنا لا أعرف ما هى أصلا القصة الجنسية، ولكن أبى السادة القائمون على التحرير إلا أن يتدخلوا بالحذف فى موضعين ، وبالتغيير فى أكثر من موضع ، وهو ما لا يقبله أى كاتب يحترم نفسه ولو كان نكرة وتافها ولا يقرأه أحد ، وكان بوسعهم ببساطة عدم نشر القصة وما كنت لأغضب ساعتها ولا هم يحزنون، وكنت نسيت الأمر بالتدريج، كما كان بوسعهم أيضا أن يستشيروننى فى موضوع الحذف والتحرير، وكنت رفضت وتبقى بركة يا جامع انها جاءت منى وخلاص
ما يحدث ببساطة انهم قالوا فى أنفسهم من هذا العيل الصغير الذى لا يعرفه أحد ليعترض أو يتكلم على حذف وتقصير وتظبيط كلمة من هنا وكلمة من هناك، وملعون أبو النص نفسه ينحرق ف داهية، هو مش منزل يعنى ولا كاتب قرآن ،
فرحت لأن قصة لى نزلت ف الأهرام اللى كنت بأقرا فيها وأنا صغير روايات مسلسلة لنجيب محفوظ وثروت أباظة، وبعيدن لقيت ان الاهرام معندوش استعداد يحترم تاريخه ولا يحترم حاضره ومصر يمشى جوه الحيط مش جنبها
أنا مش بتاع مشاكل ولا شغب وكل اللى يعرفونى كويس متأكدين من ده ، بس لما المسألة تبقى بالسفاهة دى السكوت معناه تواطؤ وموافقة،
أرجو ان ماحدش يعتبر القصة اللى نزلت فى ملحق أهرام الجمعة دى ليها علاقة بيه والقصة الأصلية موجودة ف المجموعة نفسها بدون حذف أو إضافات
وشكرا لإبراهيم داود وأظن إنه مالوش علاقة باللى حصل ده

http://www.facebook.com/facebook?ref=pf#!/notes/muhammed-abedelnaby/q-fy-mlq-hrm-ljm-wy-fr-m-tmt-bsbb-mq-lrqb/10150166060160282